“Unibank” Kommersiya Bankı” ASC “Milyonçu” depozitinə əmanət yatıran əmanətçilər arasında iri pul mükafatının oynanılmasına hazırlıq görür.
“Milyonçu ol!” depozit kampaniyası Bank tərəfindən, ötən ilin mart ayının 30-dan iyul ayının 31-ə kimi, xüsusi olaraq fərdi əmanətçilər üçün, onlar üçün əlverişli olan şərtlərlə, keçirilirdi. Bu zaman, hər bir “Milyonçu” depoziti sahibi, Azərbaycanda ilk dəfə olaraq, maksimal məbləği 1 milyon manat səviyyəsində elan olunan pul vəsaitini udmaq imkanı əldə edirdi. Pul mükafatının oynanılmasında iştirak etmək üçün, 1000 AZN-dan, ABŞ dollarından və ya Avrodan az olmayan həcmdə əmanət yatırmaq və depoziti mükafatın oynanılması anına – 2010-cu ilin mart ayının 18-nə kimi hesabında saxlamaq lazım idi. “Milyonçu” depozitində olan hər bir min AZN, ABŞ dolları və ya Avro “Unibank” tərəfindən qələbəyə 1 şans kimi nəzərə alınır. Beləliklə, depozitin məbləği nə qədər böyük olarsa, əmanətçinin bir o qədər çox mükafatı udmaq şansı yaranır.
Mükafatın məbləği depozit kampaniyası zamanı cəlb olunan əmanətlərin məcmu həcmindən asılı olduğundan, “Unibank” onun zəmanət verilmiş məbləğini 150 min AZN həcmində müəyyən edib. Hazırda “Milyonçu” depoziti əmanətçiləri arasında oynanılacaq pul mükafatının məcmu məbləği hesablanır.
Lotereyanın qalibi, müstəqil müşahidəçilərin nəzarəti altında, təsadüfi kompüter seçimi metodu ilə, özəl telekanalların canlı efirində müəyyən ediləcək. Uduşun rəsmi nəticələri Bankın saytında veriləcək və kütləvi informasiya vasitələrində dərc olunacaqdır.
Qeyd etmək lazımdır ki, 2004-2006-cı illərdə “Unibank”, ölkədə ilk dəfə əmanətçilər arasında qızıl külçə uduşu keçirmiş bank olmuşdu, 2008-ci ildə isə Bank birinci olaraq depozit əmanətçiləri arasında brilyant uduşu keçirməyə başlamışdı. “Milyonçu ol!” lotereya uduşunun qaydaları ilə Siz burada tanış ola bilərsiniz.
Ünvan: Azərbaycan Respublikası, Bakı ş., AZ1022, Rəşid Behbudov küç., 57 Tel: (+994 12) 498 22 44
