Unibank Premyer Liqası

"Unibank" Kommersiya Bankı" ASC futbol üzrə Azərbaycan Milli Çempionatının rəsmi Baş sponsoru oldu.

Çempionatda rəsmi Baş sponsor statusunun əldə olunması üzrə Müqavilə bu gün “Hyatt Regency” mehmanxanasında Unibank-ın İdarə Heyətinin sədri Faiq Hüseynov və Peşəkar Futbol Liqasinin (PFL) Prezidenti Ramin Musayev arasında imzalandı.

Bankın Liqa ilə sponsorluq müqaviləsi üçillik müddətə bağlanır. Müqaviləyə görə, futbol birinciliyi dövründə və onun işıqlandırılması zamanı Unibank-ın reklam çarxları və bannerləri yerləşdiriləcək, Baş sponsorun simvollarından istifadə olunacaq, Bankın xüsusi reklam kampaniyaları keçiriləcək.

“Premyer Liqada sponsorluğumuz Bank və futbol peşəkarları üçün qarşılıqlı əlverişli olacaq əməkdaşlığa nümunədir. Biz Azərbaycan futboluna inanaraq, onu dəstəkləyirik və məhz buna görə, Peşəkar Futbol Liqasının Baş sponsoru olmağa hazırıq. Hesab edirik ki, PFL-da bizim sponsorluğumuz ölkəmizdə futbolun inkişafına daha faydalı şərait yaradacaq” - deyə Unibank ASC İdarə Heyətinin sədri Faiq Hüseynov bildirdi.

«Bu gün imzalanan sponsorluq müqaviləsini biz Azərbaycan biznesi və idmanının ilk növbədə futbolçularımızın xeyirinə olan tərəfdaşlığı kimi qiymətləndiririk. Sirr deyil ki, Liqamıza digər şirkətlərdən də təkliflər gəlirdi, amma Unibank-ın təklifi əslində ən əlverişli və diqqətəlayiqdir. Bankdan alacağımız vəsaitin bir hissəsini PFL stadionlarda aparılacaq təmir işlərinə, o cümlədən Ramana qəsəbəsində “Şuşa” stadionun inşasına sərf edəcək” - PFL Prezidenti Ramin Musayev bunu vurğuladı.

Qeyd etmək lazımdır ki, Unibank-ın Futbol Liqasında sponsorluğu həm Banka, həm də PFL-də birləşən Azərbaycan futbolunun peşəkarlarına lazımi fayda verə biləcək. PFL və Unibank arasında imzalanan sponsorluq müqaviləsinə uyğun, bu gündən futbol üzrə ölkə birinciliyi rəsmi olaraq “Unibank” Premyer Liqası adlanır. Bundan başqa, birincilikdə “Liqanın ən yaxşı oyunçusu” nominasiyasında xüsusi aylıq mükafat təsis olunacaq. Bu mükafat futboçulara göstərdikləri nəticələrə görə, onların klub mənsubiyyətindən asılı olmayaraq veriləcək.

UPL - Sosial çarx

Əlaqə məlumatları

Azərbaycan Respublikası,
Bakı ş., AZ1022,
Rəşid Behbudov küç., 55
Tel: (99412) 498 22 44
Faks: (99412) 498 09 53
Teleks: 142460 UNIBK AI
E-mail: bank@unibank.az
Web: www.unibank.az
S.W.I.F.T. UBAZAZ22
INN 1300017201

Sizi maraqlandıra bilər

	Kreditlər
	Pul köçürmələri
	Plastik kartlar
	İnternet-Bank
	Depozitlər