“UniŞans” proqramı tələbələr arasında istedadlı gənclərin aşkar edilməsinə və bank mütəxəssisləri gələcək nəslinin hazırlanmasına yönəlmişdir. İqtisadi profilli fakültələrdə təhsil alan tələbələrin peşəkar inkişafı sahəsində layihələrin dəstəklənməsi korporativ sosial məsuliyyət sahəsində “Unibank”ın siyasətinin məqsədlərindən biridir. Ölkənin istedadlı gənclərinin gələcəyi – Azərbaycanın gələcəyidir.

 “UniŞans” proqramı, onlara Bankın xüsusi təqaüdünün verilməsi üçün, hər il 10 istedadlı və perspektivli tələbənin aşkar edilməsini nəzərdə tutur. Seçim Bankın Müsabiqə komissiyası tərəfindən aşağıdakı ixtisaslar üzrə təhsil alan universitet tələbələri arasında aparılır:

 ·“Bank işi”;

 ·“Maliyyə və kredit”;

 ·“Mühasibat uçotu”;

 ·Riyaziyyat – Kibernetika”.

“UniŞans” proqramının şərtlərinə əsasən, hər bir tələbə, onunla təqaüdün ödənilməsi haqqında müqavilənin bağlanmasından dərhal sonra, “Unibak”ın onun üçün təyin olunmuş bölmələrində və xidmətlərində gündəlik təcrübə keçməyə başlayır. Təcrübə prosesinə HR xidməti tərəfindən nəzarət olunacaqdır və bu proses ondan ibarətdir ki, 2 il ərzində hər bir “Unişans” təqaüdçüsü Bankın bütün əsas bölmələrində təcrübə keçməlidir. Bundan əlavə, seçilmiş namizədlər “Unitraining”in bütün proqramları üzrə təlim keçəcək və sertifikat əldə edəcəklər.

Təqaüdün iddiaçıları ali təhsil məktəblərinə qəbul zamanı yüksək (500 və daha artıq) ball toplamış 1-2-ci kurs tələbələri ola bilərlər. Namizədlərin seçimi açıq şəkildə, Bankın tələblərinə müvafiq olaraq, müsabiqə əsasında aparılır. Hər bir namizəd, Bankın saytı vasitəsi ilə, proqramda iştirak etmək üçün, xüsusi sifariş-anketi doldurur. Bundan sonra, namizəd təklif olunan mövzulardan birinə Esse hazırlayır və onu unishans@unibank.az elektron ünvanına yollayır. Ən yaxşı esselərin müəllifləri Bankın İnsan Reusrsları (HR) xidmətinə qısa test imtahanı keçmək üçün dəvət olunurlar. Onlar arasında son seçimi isə universitet və Bankın İdarə Heyəti nümayəndələrinin iştirak etdiyi Müsabiqə komissiyası (7 nəfərlik tərkibdə) aparır Bütün müsabiqə iştirakçıları ali təhsil məktəblərinə daxil olduğu zaman topladıqları ballar barədə arayış, tələbə biletinin və orta məktəbin (qimnaziya, kollec və s.) bitirilməsi haqqında Şəhadətnamənin nüsxələrini Banka təqdim etməlidirlər. Anket və esselər “MS Word” formatında, sənədlərin nüsxələri isə skanlaşdırılmış halda və jpg-faylar kimi unishans@unibank.az elektron ünvanına göndərilir.

“UniŞans” təqaüdü yalnız Müsabiqə Komissiyasının qərarı əsasında təyin edilir. O, iki il ərzində hər ay, 100 AZN məbləğində ödənilir. Təqaüdə iddiaçı olan tələbələr, dövlət təqaüdündən başqa, heç bir digər adlı təqaüdün alıcısı olmamalıdırlar.

Müsabiqə üç mərhələdə keçirilir:

1)  Anketin doldurulması, essenin yazıılması (mövzular burada);

 2)  Daxili testləşdirilmə (Bankın HR-xidməti tərəfindən aparılır);

 3)   İddiaçıların Müsabiqə komissiyası ilə müsahibəsi, onun yekunlarına əsasən qərar qəbul edilir.

Qeyd etmək lazımdır ki, anketləri komissiya tərəfindən seçilməmiş namizədlərin adları, iddiaçılar sırasından ayrı-ayrı tələbələrin çıxması halı üçün tərtib edilən, ehtiyat siyahıya daxil edilirlər. Komissiyanın yekun qərarı haqqında iddiaçıların hər biri fərdi qaydada məlumatlandırılır.

DİQQƏT! Anketlərin və esselerin qəbulu 2011-ci ilin noyabrın 15-nə kimi aparılır.

Təqaüdün ödənildiyi dövrdə Bankın HR xidməti üniversitetlərin səlahiyyətli nümayəndələrindən hər bir seçilən tələbə barədə müvafiq tövsiyələr əldə edərək, tələbənin müvəffəqiyyəti və fəallığı haqqında məlumat toplayacaq.