2008-ci ildə bu Təlim Mərkəzinin yaradılması zamanı onun qarşısında Bankın təcrübəsinə əsaslanan qabaqcıl biznes-təhsil sisteminin işlənib hazırlanması və tətbiq edilməsi vəzifəsi qoyulmuşdu. Bu gün Unitraining-də iki başlıca istiqamətdə təlim keçməsi yerinə yetirilir:
 

• adaptiv – stajçı və yeni əməkdaşlar üçün;
• ixtisaslaşdırılmış – artıq fəaliyyət göstərən personal üçün.

Adaptiv təlim proqramı yeni əməkdaşlarda “Unibank” ASC-nin strukturu, norma və dəyərlər sistemi, onun fəaliyyətinin texnoloji və digər korporativ xüsusiyyətləri haqqında biliyin formalaşmasına yönəlmişdir. İxtisaslaşdırılmış təlim isə, öz növbəsində bank işinin səciyyəsini, əməkdaşların davranış vərdişlərinin (soft skills) inkişaf etdirilməsini, müştəri xidməti üzrə treninqləri və digər sahələri əhatə edir.

Təlim mərkəzinin bütün təlimçiləri – Bankın orta və ali idarəetmə səviyyələrinin, Frankfurt Maliyyə və biznes məktəbi tərəfindən təşkil edilmiş müvafiq “Təlimçilər üçün treninq” kursunu keçmiş rəhbərlərdir.

Hazırda Unitraining Bankın İdarə Heyəti tərəfindən təsdiqlənən kompleks təlim proqramını həyata keçirir. Bank işinin bir sahəsinin mütəxəssislərinə maliyyə fəaliyyətinin digər sahələrində də səriştəli olmaq imkanı verən bu proqramın məqsədi aşağıdakılardır:
 

• hərtərəfli təlim görmüş personalın hazırlanması;
• korporativ biliklərin toplanması;
• əmək bazarında Bankın müsbət imicinin dəstəklənməsi;
• Bankın daha çox müştəri yönümlü maliyyə təsisatı kimi nüfuzunun dəstəklənməsi.

Təlim prosesinin təşkilindən başqa, Unitraining Bank personalının qiymətləndirilməsi prosedurasını da müvəffəqiyyətlə həyata keçirir. Əməkdaşlarıın çevik qiymətləndirilməsi sisteminin (Assessment center) tətbiqi sayəsində Bank özünün hər bir işçisinin şəxsi və peşəkar keyfiyyətləri barədə tam məlumat əldə edir. Psixoloji testlərin və müsahibələrin tətbiq edilməsindən əlavə, bu qiymətləndirmə sistemində iştirakçıların real vəziyyətini əks etdirən – peşəkar məsələlərin həllinin, müştərilərlə danışıqların və s.-nin modelləşdirildiyi davranış tapşırıqlarından və işgüzar oyunlardan istifadə olunur. Bundan əlavə, personalın təlimlərə olan tələbatı da aşkara çıxarılır.