Sənədli əməliyyatlar üzrə məhsullar xarici iqtisadi sövdələşmələrdə kontragentlər arasında etimad yaradır, onların etibarlılığı və təcrübəsi ilə bağlı riskləri azaltmağa, habelə hesablamalarla bağlı xərcləri optimallaşdırmağa imkan verir.   Bizimlə əməkdaşlıq Sizə sənədli əməliyyatların birinci dərəcəli dünya bankları tərəfindən təsdiq olunmasına imkanı yaradacaq. «Unibank KB» ASC dünyanın aparıcı bankları ilə tərəfdaş olduğundan beynəlxalq maliyyə institutlarının ticarətin inkişafına yardım proqramlarının fəal iştirakçısıdır.  

Bizim Bank Sizə sənədli əməliyyatların aşağıdakı növlərini təklif edir: 

• akkreditivlər
• qarantiyalar
• inkasso

Akkreditivlər

Sənədli akkreditiv xarici ticarət əməliyyatları üzrə ümumi qəbul olunmuş ödəniş üsuludur və dünyanın bir çox ölkələrində mövcud olan daha çevik və təhlükəsiz hesablaşma formasıdır. Sənədli akkreditivin istifadəsi mədaxilin daha etibarlı və tez əldə olunmasını təmin edir, habelə əvvəlcədən ödəniş etməməyə imkan verir.   Hesablaşmanın bu forması həm əmtəə və ya xidmət satıcısının, həm də alıcının maraqlarını maksimum dərəcədə qoruyur. Buna görə də, əgər yeni kontragentlərlə tərəfdaşlıq münasibətlərinə başlamaq və bununla bağlı risklərinizi minimuma endirmək istəyirsinizsə, Bizə müraciət edin. Belə ki, «Unibank KB» ASC-də hər zaman Sizin özünüz və biznesiniz üçün məqsədəmüvafiq çıxış yolları mövcuddur.

Sənədli akkreditiv Sizə həm idxalçı, həm də ixracatçı olduğunuz halda sərfəlidir. Ona görə ki, əgər Siz:

Qarantiyalar

Bank qarantiyaları Sizin müəssisənizi kontragentin müqaviləsi üzrə öhdəliklərini yerinə yetirə bilməməsi ehtimalından qorumaq üçün etibarlı vasitədir. Risklərinizi minimuma endirmək üçün Bank Sizə sərfəli şərtlərlə aşağıda göstərilən növlər üzrə qarantiyaları və onlara rüsxətnamə (avizo) verilməsini təklif edir:   • ödəniş qarantiyası; • avans ödənişin qarantiyası; • müqavilənin yerinə yetirilməsinin qarantiyası; • tender qarantiyası; • ehtiyat akkreditiv şəklində qarantiya («stand-by»); • digər qarantiya növləri.

İnkasso

«Unibank KB» ASC korporativ müştəriləri, həmçinin sənədli inkasso üzrə xidmətlərdən istifadə edə bilər. Remitent-Bank qismində çıxış edərək, Biz idxalçının bankına müqavilədə nəzərdə tutulan inkasso üçün sənədlərin göndərilməsini təmin edirik (hesab-faktura, nəqliyyat, sığorta, gömrük sənədləri və s.), həmin bank isə öz növbəsində ödəyiciyə, təlimatlara uyğun olaraq, ödəniş və ya akseptin əleyhinə sənədləri verir.   Sənədli inkasso birbaşa bank köçürməsi ilə müqayisədə təhlükəsizliyə böyük zəmanətdir. Alıcıya əmtəənin pulunu ödəmədən, sərəncam və müşayiət sənədlərini, beləliklə də malın özünü almağa imkan vermir. İnkassonun daha bir üstün cəhəti isə müştəriyə qarşı tətbiq olunan bank komissiyalarının daha aşağı olmasıdır. İnkassodan istifadə edildikdə, ödəniş açıq hesab üzrə hesablaşmalarda olduğundan daha tez həyata keçirilir.